Andhero mein ujaale ka deepak utar gaya

Andhero mein ujaale ka deepak utar gaya

Din bhi aaj duniya mein aane se darr gaya

Lutne lagi jub betiyaan gharo ke aas paas

Bhagwaan bhi yeh halaat dekhkar  sihar gaya

Mandir mein pathron pe ladoo chadhe bahut

Bahar koi faqeer  magar bhuke se mar gaya

Rone lagi insaaniyat phir khud ko paake aaj

Tokre mein anaath ke koi anaaj bhar gaya

Vridho ka ashram ek din mein jub bhara

Kal hoga kya se sochkar makaan darr gaya

Biwi saheed ki jub lagi bheek maangne

Sar Maa bharti ka zammeen gad gaya

Jub betiyon ne pitao_n ke juutey pehen liye

Logo ke sir se bêto_n  ka bukhaar utar gaya

Duniya mein kuch bura nahi “deepak” meri  tarah

Khudko sudhaarta  hi gaya, main jis dagar gaya

Khwab adhure, baat adhuri, neend hai koso door kahi

Khwab adhure, baat  adhuri, neend hai koso door kahi

Geeli aankhen, paon mein baedi, wo bhi hai majboor kahi

Zakhm ko lekar jeetey rahe, na roye na cheekhe hum

Kismet ka likha humko bhi, shayad  tha manzoor kahi

Wo aa jaye, saawan aaye, mausam ki rangat ban jaaye

Uska hone ko vyaakul hai, maathe ka sindoor kahi

Pathraee aankhon se hasti, yun wo bole khamoshi se

Dil mein chubha  hua ho jaise, yaadon ka nasoor kahi

Palko mein wo shaam chupaye, raat churaa le jaati hai

Chaand ko zulf mein baandhe baithi, Hogi wo magroor kahi

Aaja apni baat suna le, mehfil, mouke sab tere hai

“Deepak” is lamhe ko thaame, waqt bhi baitha door kahi

Mazboor-e-dil kare bhi kya, Tere aane ki dua kare

Mazboor-e-dil kare bhi kya, Tere aane ki dua kare

Koi baat tujhko rok le, Tu lout aaye khuda kare

Khuda tu itna beraham nahi hai toh phir yeh bataa

Wo koun hain jo Likhe kismet, dil se dil ko judaa karey

Mere naam ki mehndi ka rang mehboob ke haathon saje

 meri taqdeer mujhse khuda mere, ik baar to wafaa karey

keh de koi betaab-e-dil  se, intezaar karta hai raat din

wo dil se apne iqraar ke ub pancheeyon ko rihaa karey

main haar kar sab baaziyaan, sab kuch lootakar ke khada

do ansoo rakh le nigaahon mein, dil houshla naya karey

yeh dil khuda ka ghar hai deepak, dil se koi khele na

hur dil mohabatt ke yahan, haq ko dil se adaa karey

Ki tujhpe hans ke mar jaun mujhe woh zindagi de de

Watan mere, tu apne naam ki deewangi de de

Ki tujhpe hans ke mar jaun mujhe woh zindagi de de

Jahan maao ne bêto ki shaheedi ko sajaaya hain

Tu meri maa ki aankhon ko bhi ek aisi khushi de de

Shikhar tak le ke jaayenge tumhara naam duniya mein

Yeh zazba bhujh na paaye dil se aisi tishnagi de de

Na ho hindu, na ho muslim, na koi sikh ya issaee

Fakat tu hi rahe bando mein aisi bandagi de de

Mujhe yeh aisho aaraamo ki duniya chubti hai, “Deepak”

Tu mujhko badle mein chahe ‘BHAGAT” ki zindagi de

Jaane kitna dard hai dil mein, Jo ashkon ko mund raha hain

Jaane kitna dard hai dil mein, Jo ashkon ko mund raha hain

Chupke se rone ke liye, Ghar mein kona dhundh raha hai

Woh apni tanhayee se, awaje wafa ki dene laga hai

Apna dil behlane ko phir se khillonaa dhundh raha hai

Kaatein kaatein neend mein bikhre, lahu luhaan har raat rahi

Yun hi nahi wo deewaana, phoolon ka bichouna dhundh raha hai

Udd gaye uskey  pran pakheru, Haath pakadkar rota beta

Budhi daadi ke haathon ka shayad sona dhundh raha hai

Footpath ka baccha ‘deepak’, sach ki maar na seh paayega

Kaali, andhi gufaon mein, sapna salona dhundh raha hai

Woh mukar gaya phir baat se

Woh mukar gaya phir baat se

Kya hal milega mulaaqat se

Jahan din dopehar dhoke miley

Kya shikaayatein ho raat se

Koi jeet kar bhi nadaan hai

Koi seekhta  hai maat se

Hai mushqilein bhi khokhali

Jara lad ke dekho halaat se

Koi jakar uthaaye ki din ugey

Yeh soya pada hai raat se

Deepak’ aisey insaan bana

Jo na pehchaane tujhko jaat se

राख़ से लिपटी हुई, सर्द सी आहें

राख़ से लिपटी हुई, सर्द सी आहें

जाने कौन से अरमान, सेकना चाहें

खामोशीयों से ऐसी आवाजें उठ रही है

जैसे की हसतें हसतें कोई ले रहा कराहें

बरसों से ताकती है एक राह कोठरी से

चौखट बनी हुई है तरसी हुई निगाहें

अब के बरस न आया, उम्मीद छोड़ देंगे

ग़म लगा के सीने, भर लेंगे हम ये बाहें

किस्मत की बेवफाई रुकी नहीं कहीं भी

भटके हुए मुसाफिर को मिलतें रहे चौराहें

उसके ही हौसलों में कमजोरी थी जो भटका

मंज़िल तलक तो वरना पहुंचा ही देती राहें