Thursday, February 11, 2016

Ki tod kar dil kya mila


Bahut thikaane badal ke dekhe
Sukun e dil phir bhi na mila
Wahi hai unse sawal aakhir
Ki tod kar dil kya mila

Dhadktey dil ke tadptey armaan
Abhi bhi jaltey hai na_mukammal
Yeh zindagi hasrato ka pyala
Kisi ko pura kahaan mila

Wahi hai rasta wahi hai manzil
Usi ke hadh tak ka har safar hai
Yeh ishq bhi uss khuda ke jaise
Kisi lo lekin kahaan mila

Kisi ke haq mein nahi tha tera
Alag ho jaane ka faislaa bhi
Bichad ke faaka raha hu main bhi
Bichad ke tu bhi tanhaa mila

Wo mere bachpan ka chota baccha
Na jaane kisko talasshta hai
Deepak, yehi rashm e ishq hai

Jo Kho gaya phir kahaan mila