Apni ratein kaali kaali, tere badal mein chand sitare
Humko bhi thodi rehmat dedo, hum bhi hai kismet ke maare
Apne hisse mein hi kyu hai, itne gum itni takleefein
Waise toh yaqeen hain humko, bandey tujkho sub hai pyare
Saagar se saahil ka manzar, hath badhakar chuu ley jaise
Dubey kashti beech bhanwar toh, lagte kitne duur kinare
Tanhaayee ke mausam jaane, jaate jaate kub jaayenge
Kat tey kat tey din kat tey hain, koi kaise saal gujaarey
Bachpan ki galiyon ka yun toh namumkin tha sang rehna
Dhirey dhirey rastey badley, chaltey chaltey chuutey saare
Dhua dhuan hain aankhon mein ansoo ansoo katra katra
Sardi ki galiyon mein koi lekar phirta hain angaare
ik taarey se badal gayi hain taqdeerein na jaane kitno ki
Apni phir bhi qismat footi, toote jaane kitne taare
No comments:
Post a Comment