Libaas mein chupa leta hai tan
Mann nanga, dikh jaata hai
kaisi hai zarooratein na jaane
Har keemat par bik jaata hai
Jhooti hasi mein log na jaane
Kitne zakhm chupana chahe
Waqt apni siyahi se par
Chehre pe sab likh jaata hai
Wo jaane tinke ki keemat
Jinko tinka tak nahi milta
Chote chote patharo par
kaise parvat tik jaata hai
umar se jyaada jeene ki
kosish hai bekar na samjhe
jitna bhi ho gehra nishaa
saagar ke reat pe mit jaata hai
No comments:
Post a Comment