Chaand aaye tere baahon mein sawarne ke liye

Raat aankhon mein utarne ke liye

Chaand aaye tere baahon mein sawarne ke liye

Ruka ruka sa khada hain waqt har mod yahan

Yeh bhi tehra hain tere saath gujarne ke liye

Koi toh samet_ta hoga har subah inn taaron ko

Phir nayi raat aakash mein bharne ke liye

Gulaabi ishq se khil jaata hain dil ka mausam

Aur kya chahiye bande ko nikharne ke liye

Main hu parwaana rahe ishq ka nasha hurdum

Main toh jeeta hu kisi shamma pe marne ke liye

Teri yaad rahi saath oas ke chaadar ki tarah

Mere raahon ko shabnam se bharne ke liye

Ishq hu, bas ek jagah jee sakta hu “Deepak”

Main toh aaya hu tere dil mein tehrne ke liye

Hasrat si dil mein hai, ki koi dilruba mile

Hasrat si dil mein hai, ki koi dilruba mile

Na jaane kis gali se chale aur kahan mile

Khawabo ke aaine mein koi chehra naya sajaa

Mumkin hain raasta yahi, manzil se jaa mile

Usko talaashte hi rahe, har sans har kadam

woh bhi mile kahin toh mujhe dhundhtaa mile

hur din wahi udaasi, wahi mayuusiyan rahi

ai raat kuch to kar ki ab din nayaa mile

dhundhne mein uska pata, gum gaya hu main

bhatkaa hi de kadam, ki koi raastaa mile

ishq pe  yeh mehr hain, talaashne se yahaan

woh bhi mile hain jinka na koi pataa mile

“Deepak” ujaale din mein andhe bhatakte hain

Thoda sa kalaa dard bhadha, aashiyaan mile

Sadme se yun ubharne laga dil kamaal hai

Sadme se yun ubharne laga dil kamaal hai

Kya jaane zindagi ki ab  yeh kaisi chaal hai

Jagne lagi hain dil mein umangey jawan jawan

Lagta hain ishq ne beechayaa  phir se  jaal hai

Karti nahi hain tang pareshaaniyaan mujhe

Mere paas aaj maa ki duaon ka dhaal hai

Kuch ho bhi jaata waqt pe jo keh diya hota

Unki nazar mein bhi yahi shayad malaal hai

Na soyenge woh raat saari fikr mein mere

 Koi unse  jaake keh do mere theek haal hai

Soch ki safaayee se kirdaar bantaa hai

Har dil mein saath vikram ke rehta betaal hai

Waada nahi tha phir bhi chale aaye hain milne ko

Na jaane hasrato ka yeh kaisa maya jaal hai

Logo ki zimmedaari rahi humesha hi “Deepak”

Aandhi mein bhi jalaa kiya aksar mashaal hai

Bahut haseen safar hain, ishq ki galiyaan

Bahut haseen safar hain, ishq ki galiyaan

Sanam ki rehgujar hain, ishq ki galiyaan

Sheher sheher, hum toh talaashtey hi rahe

Na jaane koun  nagar hain, ishq ki galiyaan

Nigaahein hadh mein wo hi, samayee rehti

Nayi nayi si nazar hain, ishq ki galiyaan

Bahut sambhal ke lagaana, kaanch ke dil ko

Kadam kadam  pathar hain, ishq ki galiyaan

Dabe dabe se labo se wo  haal e dil bole

Ajeeb si ek kehar hain, ishq ki galiyaan

Yeh talab mout tak le hi jaaye “Deepak”

Koi dheemi si jeher hain, ishq ki galiyaan

Jaane kitne mausam gujar gaye

Jaane kitne mausam gujar gaye

Saare pat_tey ped se utar gaye

Kabhi lout na paaye gaon ko

Jo kadam badha kar shehar gaye

Aakash taaktey  hain kamro se

Kahaan jaane panchee ke par gaye

Amaavasi raaton ke raahi kyu

Parchaayeeon se dar gaye

Koi raat din karta hain yaad

Woh dil churakar kidhar gaye

Puche bacche gaon ke dhoop mein

Kahaan chaayadaar sajar gaye

Kuch rokta hoga shehar mein

jo chaahkar bhi na ghar gaye

Deepak, mila koi bhi safar

Ghar bulata raha jidhar gaye

Mere khwabo ke choukhat par, deewana doudta aaye

Na jaane koun se kissey sunaakar raat fuslaaye

Mere khwabo ke choukhat par, deewana doudta aaye

Nigaahon ko beechakar raastey mein raat din baithey

Wo dariyaa hain mohabatt ka, usey meri pyaas dikh jaaye

Koi  hadh hi nahi hain, ishq waalo ke iraado ka

Yehi bas josh e koshish hain, mohabatt faailati jaaye

Bus ab yeh zidd si  hain, ussey zuda hokar nahi jeena

Bane wo humsfar mera, ya safar hi haath se jaaye

Bahut khusboo bhikherey hain, naye mausam ne aatey hi

Kahin yeh jaate jaate hoton ki muskaan na le jaaye

Udaasi ke minaaro ko chalo hanskar giraa de aaj

Subah kal ki, umeedo ke naye gulshan khilaa jaaye

Geeli umeed haathon par sajaakar chahti hogi

Heena jub sukhkar nikle toh rekhayen badal jaaye

“Deepak” na reh banker ke tu na mumkin si hasrat

Kahin yun na ho dil se tera armaan nikal jaaye

Mohabatt ka kisi par toh kehar phir bhi gira hota

Nahi hota agar main toh wahan koi doosra hota
Mohabatt ka kisi par toh kehar phir bhi gira hota
kisi ke aashiyane ko tabaah hona tha bijli se
kisi ka ghar nahi milta, toh mere ghar gira hota

main usko rok leta ishq ka, koi waasta dekar
ek katraa bhi nigahon se jo ansoo ka gira hota

sambhal pata kabhi main farz ki adaayeegi se gar

Toh Kisi najneen ke ishq mein jaakar gira hota

jo mere haathon mein ek toot-ta tara likha hota
toh sunepan mein mere chaand ka tukda gira hota

Wo saare pal main chuun leta, jo uske sang na ji paaya
gujartey waqt ke haathon se gar lamha gira hota

Bahut se haadso ka waqt pe ho jaana behtar hain

Main girne se nahi darta, jo bachpan mein gira hota

Parde ke sarkane se utha unmaad toh jaana

Deewane katl ho jaatey, jo yeh chilman gira hota