Jaane kitne mausam gujar gaye
Saare pat_tey ped se utar gaye
Kabhi lout na paaye gaon ko
Jo kadam badha kar shehar gaye
Aakash taaktey hain kamro se
Kahaan jaane panchee ke par gaye
Amaavasi raaton ke raahi kyu
Parchaayeeon se dar gaye
Koi raat din karta hain yaad
Woh dil churakar kidhar gaye
Puche bacche gaon ke dhoop mein
Kahaan chaayadaar sajar gaye
Kuch rokta hoga shehar mein
jo chaahkar bhi na ghar gaye
Deepak, mila koi bhi safar
Ghar bulata raha jidhar gaye
1 comment:
Purey ka saar hai chupa inmein:
-------------------------------
Aakash taaktey hain kamro se
Kahaan jaane panchee ke par gaye
Jhad na jaaye kahin,
Udd na paye kahin,
Panchi diwana tha kabhi
Pura diwana na ho jaaye kahin
...2 Good
Post a Comment