Tu jo keh de toh yeh halaat badal jaayenge
Mere khawab bhi tere paas hi pal jaayenge
Bahut ujaala hai tere waadon mein dar lagta hai
Yeh kisi din ki tarah shaam ko dhal jayenge
Waqt ke shaakh se pat_to ke girne ka sabak
naye ittefaaq puraane yaadon ko nigal jaayenge
mere kadmo ko mil jaaye koi maqsad ka safar
aawaara raastey mumkin hai sambhal jaayenge
Saaye mere humdum, bas ujaale tak hai
andhere hotey hi yeh saaf nikal jaayenge
Dil e betaab, pathar mein dhadkta hai “Deepak”
humko le le koi baahon mein pighal jaayenge
No comments:
Post a Comment