Saturday, August 14, 2010

Taqdeer haath lekar, galiyon mein doudta hain

Taqdeer haath lekar, galiyon mein doudta hain
Bacche ke paas khelne ko, aur kuch nahi raha
Mayushi, dard –e- gam ko, jewar bana liya hain
Apni tabaahi ka usey, darr kuch nahi raha

Din ke ujaley loot gaye, hain luterey usko
Andhere ke zaalimo ka, darr kuch nahi raha

Shehron ne iss kadar kiya taiyyar aadmi ko
Jungle mein ghumne ka, darr kuch nahi raha

Saahil pe mout jheltey, jeetey hain iss kadar
Toofan mein dubane ka, darr kuch nahi raha

Rishton ka aaj kya hain, raste pe bik rahe hain
Nato ke tootne ka, darr kuch nahi raha

Maa ki dua liye woh, chal diya aandhiyon mein
“Deepak” ko bujhne ka, darr kuch nahi raha

No comments: